RC Hapi ameanza ziara ya kukagua Miradi ya Maendeleo na kusikiliza kero za wananchi Halmashauri ya Wilaya ya Iringa.

Imewekwa : September 21st, 2018

Mkuu wa Mkoa wa Iringa, Mhe Ally Hapi ameanza ziara yake ya  kukagua miradi ya maendeleo na kusikiliza kero za wananchi katika Tarafa ya Mlolo,Kiponzero na Kalenga ikiwa ni muendelezo wa ziara yake ya Tarafa kwa Tarafa Wilayani Iringa.

Katika ziara hiyo, Mhe Hapi ametembelea na kukagua Ujenzi wa mradi wa maji (WARIDI), ujenzi wa Hostel Sekondari Isimila, Kukagua barabara ya Tanangozi – Makongati, ujenzi wa madarasa matatu (3) na Matundu  sita (6) ya Vyoo Shule ya Msingi Makota, Kukagua mradi wa maji Ifunda, Kukagua ukarabati wa shule ya sekondari Ifunda Tech , Kukagua ukarabati wa mabweni nane (8) Ifunda Girls, Kukagua ujenzi wa barabara ya Ifunda - Kiponzero , Kukagua mradi wa maji wa Isupilo - Itengulinyi , Kukagua ujenzi wa madarasa matatu (3) na matundu Sita (6) ya vyoo  Shule ya Msingi Msukanzi Kukagua ujenzi wa madarasa matatu (3) na matundu sita (6) ya vyoo Shule ya Msingi Lyalamo, Kukagua huduma za afya Hospitali ya Tosamaganga, Kukagua ujenzi wa mradi wa maji magubike (WARIDI),na kumalizia kwa mkutano wa hadhara pamoja na kusikiza kero za wananchi maarufu (mahakama ya wananchi) ambazo zitajibiwa na wakuu wa Idara wa Halmashauri na Mameneja wa Mashirika mbalimbali.

Mkuu wa Mkoa yupo siku ya tatu ya ziara yake ya siku sita kutembelea Tarafa sita za Wilaya ya Iringa.