Watakaokamatwa wakisafirisha dawa za kulevya kukiona-Majaliwa.

Imewekwa : June 27th, 2018

Waziri Mkuu wa Jamuhuri ya Muungano wa Tanzania Mhe. Kassim Majaliwa amewaonya Watanzania  wanaosafirisha dawa  za kulevya nchini kwa njia mbalimbali ikiwemo kumeza tembe za dawa hizo tumboni kwa madhumuni ya kuzipeleka nje ya nchi, wameaswa kuacha vitendo hivyo mara moja,la sivyo wakikamatwa na kutiwa hatiani cha moto watakiona.

Waziri Mkuu ameyasema hayo mapema jana wakati wa Maadhimisho ya Kitaifa ya Siku ya Kupiga vita dawa za kulevya yaliyofanyika Kitaifa Mkoani Iringa.

Waziri Majaliwa amewaonya Wananchi kutojihusisha kabisa na matumizi wala biashara ya madawa ya kulevya,kwani biashara hiyo ni haramu na haikubaliki duniani na hata dini zote zinaipinga vikali.