Halmashauri ya Wilaya ya Iringa ina eneo la hekta 479,158 zinazofaa kwa kilimo ambapo eneo linalotumika kwa shughuli za kilimo ni hekta 244,439 tu sawa na 51% ya eneo linalofaa kwa kilimo.
Katika msimu wa 2015/2016, Halmashauri ilisimamia uzalishaji wa mazao ya chakula na biashara katika Wilaya. Malengo ya uzalishaji kwa mazao ya chakula ilikuwa tani 619,371 mavuno yalikuwa tani 532,533. Malengo ya uzalishaji kwa mazao ya biashara ilikuwa tani 102,966 mavuno yalikuwa tani 172,051.
Katika Halmashauri ya Wilaya ya Iringa, eneo linalofaa kwa umwagiliaji ni hekta 43,700 na eneo linalomwagiliwa kwa sasa ni hekta 24,606 sawa na 56.3% ya eneo linalofaa kwa kilimo cha umwagiliaji.
