KAMATI YA FEDHA, UTAWALA NA MIPANGO YAFURAHISHWA NA UTEKELEZAJI WA MIRADI IRINGA DC

Imewekwa : October 31st, 2024

Kamati ya Fedha, Utawala Na Mipango ya Halmashauri ya Wilaya ya Iringa imefanya ziara ya kutembelea miradi mbalimbali inayotekelezwa ikiwemo ujeshi wa shule mpya ya sekondari katika kijiji cha Ugwachanya na kufurahishwa na kazi inayoendelea hapo. Ziara imefanyika Oktoba 31, 2024.

Akizungumza wakati wa ziara hiyo Mwenyekiti wa kamati Mhe. Kindole ameridhishwa na kazi inayoendelea na kuongeza kuwa kama ilivyoanza vema na tumepongeza, vivyo hivyo umaliziaji unapaswa kuwa mzuri ili uakisi kinachoonekana kwa sasa.

Shule mpya ya sekondari Ugwachanya imepokea kiasi cha Tsh. 583,180,028/- kutoka Serikali kuu ambazo zimelenga kukamilisha kazi zifuatazo;

• Vyumba 4 vya madarasa
• Jengo moja la utawala
• Maktaba
• Chumba cha TEHAMA
• Maabara 3
• Vyoo matundu 8

Shule hii inatarajiwa kukamilika na kupokea wanafunzi wa kidato cha kwanza kuanzia Januari 2025, ambapo awali wanafunzi walilazimika kutembea umbali mrefu hadi shule ya sekondari iliyopo kijiji cha Tanangozi.

Maeneo mengine yaliyotembelewa na kamati hii ni Karakana ya Halmashauri, Kituo cha ukusanyaji wa mapato Wenda na Zahanati ya kijiji cha Mfukulembe.